Një shpërthim i dyshuar me lëndë plasëse është regjistruar këtë të dielë në Kamëz. Ngjarja ka ndodhur rreth orës 03:40 minuta, në bulevardin “Nënë Tereza”, në pjesën e jashtme të rrethimit të një kantieri ndërtimi.
Nga shpërthimi janë shkaktuar vetëm dëme të vogla materiale, pa të lënduar në njerëz. Mësohet se autori afrohet i vetëm pranë kantierit dhe sapo vendos lëndën plasëse largohet me një motoçikletë prrej andej.
Shkak dyshohet ndonjë konflikt i mundshëm i pronarëve të ndërtimit, edhe pse ata vetë kanë deklaruar se nuk kanë probleme me njeri. Menjëherë në vendngjarje kanë mbërritur shërbimet e Policisë dhe grupi hetimor, të cilët po punojnë për identifikimin dhe kapjen e autorit, si dhe për sqarimin e plotë të rrethanave të ngjarjes.
and then