Janë zbardhur detaje të reja nga aksidenti i rëndë rrugor që ndodhi mëngjesin e kësaj të diele në aksin Vlorë–Llogora, në vendin e quajtur “Fushë Dukat”, ku humbi jetën një person dhe katër të tjerë mbetën të plagosur.
Sipas Policisë, rreth orës 06:10, një automjet tip furgon, i drejtuar nga shtetasi S. R., 22 vjeç, dyshohet se ka humbur kontrollin mbi drejtimin e mjetit dhe ka dalë nga rruga.
Si pasojë e aksidentit, ka humbur jetën në vendngjarje njëri prej pasagjerëve, Ilir Haka, 52 vjeç.
Drejtuesi i mjetit, së bashku me tre pasagjerët e tjerë, është transportuar në spital, ku ndodhen nën kujdesin e mjekëve.
Grupi hetimor ndodhet në vendngjarje dhe, nën drejtimin e Prokurorisë, po kryen veprimet procedurale për të zbardhur shkaqet dhe rrethanat e plota të aksidentit.
and then