Conor McGregor dhe e fejuara e tij, Dee Devlin morën pjesë në festën e premierës së “Elvis” gjatë Festivalit të Filmit në Kanë.
Artisti i arteve marcialeve dhe e fejuara e tij dukeshin se po e shijonin në maksimum prezencën e njëri-tjetrit. Përpos puthjeve e përqafimeve intime në tapetin e kuq, duhet thënë se dyshja shkëlqenin me paraqitjen e tyre.
McGregor ishte veshur i gjithi në të zezë, me një kostum me papion shumë shik. Detajet e xhaketës i jepnin akoma më shumë stil veshjes së tij. E gjithë pjesa përpara e jakës dhe pjesa edalur e xhepave ishin të mbuluar me gurë në ngjyrë argjendi.
Nga ana tjetër edhe Devlin ishte kombinuar me partnerin e saj e gjitha në të zezë. Ajo mbante veshur një fustan bust me një të qarë tek shala deri lart. E gjithë thjeshtësia e fustanit, thyhej kaq bukur me detajet e floririt në të dhe zingjirët në sandalet e zeza që mbante veshur. Ajo e kompletoi pamjen me bizhuteri minimale, një çantë vogël të zezë.
Ju kujtojmë që edhe Austin Butler dhe Kaia Gerber shkëlqyen gjatë paraqitjes së tyre së bashku në Festivalin më të madh të Filmit në Kanë.
Kaia dukej e mrekullueshme veshur me nje fustan të kuq të gjatë. Ajo kishte zgjedhur t’i mblidhte flokët lartë, duke lënë që të gjithë vëmendjen ta marrë pjesa e pasme e hapur e fustanit.
Ndërsa Austin gjithashtu shkëlqente në kostumin e tij të zi me këmishë të bardhë. Ai e kishte kompletuar lukun me një papion të zi.Modelja dhe aktori u fotografuan teksa dhanë një puthje pasionante në tapetin e kuq.
Gjithashtu filmi “Elvis” është një film biografik për Elvis Presley-n nga Baz Luhrmann. Filmi tregon jetën dhe karrierën e Elvisit që nga ditët e tij të hershme si fëmijë duke u rritur në Misisipi deri në ngjitjen e tij si një ikonë rocku dhe yll filmi.
Luhrmann ka rolin e regjisorit dhe bashkë-skenaristit të filmit, së bashku me Sam Bromell, Craig Pearce dhe Jeremy Donner, nga një histori që ai konceptoi me Donner. Elvis vdiq në moshën 42-vjeçare në vitin 1977 nga aritmia kardiake për shkak të një reaksioni toksik ndaj kodeinës.
and then