Një shqiptar i cili ishte në kërkim ndërkombëtar nga Interpoli është arrestuar nga autoritetet në Spanjë.
Mediat spanjolle raportojnë se shqiptari qëndronte në vend me një identitet të rremë, me ID të një shtetasi kroat.
Shqiptar ishte në kërkim për ngjarje të ndodhura në vitin 2020, kur i arrestuari komunikoi me dy trafikantë droge në lidhje me një sasi droge të destinuar për shpërndarje në Itali. Me sa duket, ai do të analizonte një mostër të lëndës narkotike përpara se të vazhdonte me dërgesën. Më vonë, i arratisuri rivendosi kontaktin me këta dy individë për t’i informuar ata në lidhje me një kontroll të banesës së tij nga autoritetet shqiptare, si dhe sekuestrimin e 100 gramëve heroinë dhe pajisjeve të bllokimit të sinjalit, prandaj ai ishte në arrest shtëpiak.
Ai kishte ndërmarrë gjithashtu hapa për të fshehur drogën dhe për të vazhduar operacionet. Për të gjitha këto, ai ishte në pritje të gjyqit për vepra penale të trafikimit të drogës të kryera posaçërisht në bashkëpunim me një grup të strukturuar kriminal, për të cilin dënimi maksimal i zbatueshëm është 30 vjet pa të drejtë lirimi me kusht.
and then