Bibla të rralla nga 1400-a e deri te përkthimet e librit të shenjtë, në gjuhën arabe janë ekspozuar ne Bibliotekën Kombëtare. Institucioni që vuan nga mungesa e hapësirave po shfaq thesaret që ruan në katet e nëndheshme, për të treguar pasurinë që duhet mbrojtur
Drejtori i Bibliotekës Kombëtare, Piro Misha, ndalet te inkunabulat dhe te një Bibël e vitit 1480 që shihet në ekspozitor. E shkruar nga Bartolemeu, ajo jep te dhëna për 220 papë të Romës, deri në vitin 1480. Gjatë intervistës për News24, Misha thotë se brenda pak muajsh më në fund, brenda Bibliotekës, do të ketë një hapësirë të restauruar, ruajtjen e antikuarëve.
“Për 6 muaj krijohet hapësirë për thesaret unike. Këta libra duhet të ruhen si bankë sepse vlejnë, ndërsa biblioteka e re, ka nisur puna por do ende kohë. Ne po marrim modelet e bibliotekave më të mira” tha ai.
Ndërsa një sërë ekspozitash kanë synuar të ngrenë imazhin e Bibliotekës Kombëtare, pas përmbytjes së saj, një shpërthimi zjarri dhe mungesës së hapësirave, Misha ka vënë në punë disa metoda për të kërkuar ndihmë: “kërcënime”, lutje e thirrje për vëmendje.
Shumë prej veprave të eëkspozuara, nuk dihet se si kanë ardhur në Bibliotekën kombëtare. Besohet megjithatë, për aq sa nuk ka dokumentacion shoqërues, se një pjesë e madhe e tyre, janë konfiskuar me instalimin e komunizmit. Të arrestuarve nga familjet e mëdha ose emrave të njohur që u arratisën për shkak të regjimit komunist, ju morën bibliotekat personale. “Unë kam lexuar te ditari i Aleks Budës, se si u mor biblioteka e Mithat Frasherit.
Po aty, kam lexuar se si u shpëtua biblioteka e Lef Nositi cili kishte ikur, ideja ishte se si të shpëtohej biblioteka e tij 5 dite nga çlirimi i Tiranës. Me siguri që një pjesë e madhe e librave janë të kësaj natyre se Fondi i Bibliotekës, nga 30 shkoi në 150 mijë libra pas konfiskimeve”, thotë Misha. Ai po ashtu jep lajmin se BK ka marrë edhe bibliotekën e albanologut Robert Elsie.
and then