Kryetari i PD-së, Sali Berisha e ka ndalur turin e ‘foltores’ në Kurbin.
Gjatë fjalës së tij ai u ndal te Belinda Balluku dhe pasuria e saj marramendëse. Ai tha se ende nuk kemi parë gjë akoma nga pasuria marramendëse e Ballukut, por dhe Agasit.
“Sot me këto që po dëgjoni, Shqipëria është një në diktaturë. Në dosje e parë u hetua për 1 zv.kryeministren dhe në hetimet e para del se ajo dispononte 300 apartamente. Askush nuk e dinte se ajo dispononte aq apartamente. Me taksat tuaja, paratë e shkollave të fëmijëve tuaj, me ilaçet e të sëmurëve tuaj dhe kafshatat tuaja, kishte siguruar për vtë 300 apartamente. Ju garantoj, këtu do të jemi, nuk është lista e plotë. Kemi dëgjuar për dikatorë, për hajdutë, bizhura dhe diamante, por vetëm për njërin prej tyre, Gys Agasin, një kriminel kishte në vinotekën e tij shishe vere që si ka perandori i Japonisë, 33 mijë euro shishja e veres, të gjitha me paratë tuaja, para të vjedhura. Ky koordinatori i karteleve të drogës. Ai i mblidhte Troplinët dhe Ccelajt te një lokal te Shkëmbi i Kavajës, për zgjedhje. Ishte njeriu më i afërt i Edi Ramës. Kishte verëra më të kushtueshme. S’keni parë gjë akoma se çfarë fshehin në kutitë dhe kasafortat e luksit dhe superluksit. Dy jahte Belinda Balluku, ish-babysitter, që mezi siguronte kafshatat dhe më pas punonjëse në Bashki. Tani me dy jahte. Jemi në kohë kritike, por na ka gjetur më të gatshëm se kurrë! Po!”, tha ai.
and then