“Jam i zbrazur në shpirt!”, Rama sulmon gjyqtarët: U bëjmë duvara dhe u paguajmë rroga më të larta sesa të vetes, por ende s’ka drejtësi për 21 Janarin!

Kryeministri Edi Rama deklaroi se 15 vitet që kanë kaluar pa drejtësi për ngjarjet e 21 janarit përbëjnë një boshllëk të madh për familjarët e dëshmorëve, duke i cilësuar si një jetë poshtërimi për ata që humbën të afërmit.

“Për familjarët e dëshmorëve, 15 vite boshllëk janë një jetë poshtërim. Ata që ishin fëmijë u erdhi koha të bëhen prindër, ndërsa ata të katërt nuk u ka ardhur koha të prehen të qetë”, tha Rama, duke vlerësuar se Gjykata Speciale ka kërkuar drejtësi për katër vrasjet e 21 janarit.

Ai theksoi se gjatë gjashtë viteve të fundit, shteti ka krijuar “mure dhe ceremoniale” dhe ka paguar rroga të larta, pa llogaritur gabimet e institucioneve të reja dhe të shtetit të drejtësisë. “Sa herë që vjen kjo ditë për ju, familjarët e katër dëshmorëve, mbi kurrizin tonë rëndojnë gurët e mllefit dhe të mërzisë në vendin që me të drejtë ndihet i tradhëtuar dhe i përdorur nga drejtësia e re”, shtoi kryeministri.

Rama u shpreh se i kupton plotësisht ndjenjat e familjarëve dhe nuk e mirëkupton atë që e akuzon atë për pandëshkueshmëri lidhur me ngjarjet e 21 janarit. “Unë ndihem i zbrazur dhe i dobët në shpirt kur shoh se 21 janari erdhi me hijen e padrejtësisë mbi shpinën e vetë”, deklaroi ai.