Lindi prematurë, foshnja 2-muajshe në Korçë në gjendje kritike, niset me urgjencë drejt Tiranës

Ngjarje e rëndë u raportua në Korçë, ku një foshnje 2-muajshe rrezikon jetën.

Gazetarja Lorena Kodra raporton se foshnja është nisur drejt Tiranës për mjekim më të specializuar, ndërsa gjendja e tij mbetet kritike.

Raportohet se në pediatrinë e spitalit rajonal të Korçës ka mbërritur në gjendje shumë të rëndë shëndetësore një foshnjë rreth 2-muajshe.

Burime konfidenciale nga policia dhe spitali, bëjnë të ditur se foshnja aktualisht është në gjendje të rëndë shëndetësore ndërsa dyshohet se kjo gjendje ka ardhur nga kequshqyerja. Foshnja ka lindur dy muaj më parë, prematurë (7 muajsh). Është trajtuar në spitalin e Korçës e më pas në Tiranë, nga ku raportohet se ka dalë në gjendje të mirë shëndetësore por pas kthimit në shtëpi, ka shfaqur probleme të rënda shëndetësore.