Vrau me pushkë gruan dhe më pas veten, çifti i të moshuarve do të përcillen të ndarë në banesën e fundit. 9 fëmijët në gjendje të rënduar emocionale

Familja Rrapaj në Kuman të Roskovecit ka hapur dyert e mortit pas tragjedisë të ndodhur mesditën e djeshme ku 80-vjeçari Shefit Rrapaj ka vrarë me armë (pushkë) bashkëshorten e tij, Dashuri Rrapaj 75 vjeçe e më pas ka vrarë veten.

Sipas burimeve konfidenciale varrimi i dy viktimave do të bëhet i ndarë. Dashuri Rrapaj do te përcillet për në banesën e fundit në Allambreas të Beratit, ku është bijë, në orën 13:00, ndërkohë që Shefit Rrapaj ndodhet ende në morgun e Fierit dhe trupi i tij ende nuk po tërhiqet nga familjarët.

Të nëntë fëmijët e çiftit ndodhen në banesën ku ndodhi krimi i dyfishtë dhe në një situatë tepër të rënduar emocionale do te përcjellin për në banesën e fundit prindërit e tyre.