EMRI/ Detaje nga sherri me thika mes të rinjve në Shkodër, policia jep detajet e para: Të plagosurit janë 19 dhe 17 vjeç, ja pse u konfliktuan

Policia jep detajet e para nga sherri me thika mes adoleshentëve në Shkodër mbrëmjen e sotme.

Sipas njoftimit zyrtar, të plagosurit janë shtetasi Enis Preza 19 vjeç dhe një 17-vjeçar, të cilët aktualisht ndodhen nën kujdesin e mjekëve.

Shkodër / Informacion paraprak

Rreth orës 19:50, në Spitalin Rajonal Shkodër janë paraqitur për ndihmë mjekësore, të dëmtuar me mjet prerës (thikë), shtetasi E. P., 19 vjeç, dhe një 17-vjeçar, të cilët aktualisht ndodhen nën kujdesin e mjekëve.

Shërbimet e Policisë kanë shkuar menjëherë në vendngjarje dhe, nga veprimet e para hetimore, dyshohet se këta shtetas janë dëmtuar me mjet prerës në lagjen “Qemal Stafa”, gjatë një konflikti të çastit.

Grupi hetimor, nën drejtimin e Prokurorisë, vijon punën për sqarimin e plotë të rrethanave të ngjarjes dhe kapjen e autorëve.