U përplas mbrëmjen e djeshme nga një automjet në Elbasan, ndërron jetë i moshuari

Ka ndërruar jetë 85-vjeçari Selman Bardhi, i cili u aksidentua mbrëmjen e djeshme në qytetin e Elbasanit.

I moshuari nuk ka mundur t’u mbijetojë plagëve të rënda të marra si pasojë e përplasjes nga një automjet, duke ndërruar jetë pas disa orësh në gjendje të rëndë shëndetësore.

Aksidenti u regjistrua rreth orës 17:15, në zonën e njohur si ish-Parku i Rezervave të Shtetit në Elbasan. Sipas informacioneve paraprake, 85-vjeçari po lëvizte në këmbë kur është përplasur nga një automjet, duke pësuar dëmtime të shumta dhe serioze.

Ajo që e bën edhe më shqetësuese ngjarjen është fakti se drejtuesi i automjetit, pas përplasjes, është larguar nga vendi i aksidentit, duke braktisur mjetin.

Në momentin e ngjarjes, në Elbasan mbizotëronin kushte të pafavorshme atmosferike, me reshje dhe shikueshmëri të reduktuar, rrethana që mund të kenë ndikuar në sigurinë e qarkullimit rrugor.

Ndërkohë, pritet që hetimet të zbardhin dinamikën e plotë të aksidentit, si dhe të përcaktojnë përgjegjësitë e drejtuesit të automjetit.



“Arena e Lajmit”

Ju mund të regjistroheni në buletinin tonë të lajmeve plotësisht falas

Mos e humbisni mundësinë për t'u informuar për lajmet më të fundit dhe eksluzive, filloni tani abonimin tuaj falas me e-mail.

Welcome

Instalo aplikacionin tonë
×