Ylli televiziv Oprah Winfrey, i shiti rezidencën e saj të stilit mesdhetar në Montecito, aktores Jennifer Aniston për 14.8 milionë dollarësh.
Shitja shënon transaksionin e fundit të pronave të paluajtshme me emra të mëdhenj në qytetin bregdetar mjaft të mbushur me yje, ku të famshëm si Ellen Degeneres dhe Ariana Grande apo Princ Harry dhe Meghan Markle kanë blerë pronat e tyre.
Winfrey bleu pronën afërsisht një hektar, vitin e kaluar për 10.5 milionë dollarë. Detajet e sakta të shitjeve të bëra privatisht nuk janë plotësisht të qarta, por ish-prezantuesja e talk shoW-t me sa duket e ndau pronën përgjysmë, duke i shitur Aniston-it shtëpinë e stilit mesdhetar dhe dy shtëpitë e trajnerit të saj personal dhe menaxherit të pronës, Bob Greene. Ky i fundit u shit për 2.3 milionë dollarë, duke e çuar çmimin e përgjithshëm të shitjes së kompleksit në rreth 17 milionë dollarë – 6.5 milionë dollarë më shumë se sa Ëinfrey pagoi për të vetëm vitin e kaluar.
E referuar si një “shtëpi ferme toskane”, shtëpia e re e Aniston përmban katër dhoma gjumi dhe tre banja në 4,320 metra katrorë. Ndërsa informacioni i detajuar për brendësinë e shtëpisë së ndërtuar në vitin 1998 është i pakët, ylli i ‘Friends’ do të shijojë pamje piktoreske të oqeanit dhe malit, tarraca të shumta, kopshte me peizazhe dhe një oborr masiv, të gjitha të vendosura në një pjesë private të vendosur mes pemëve lisi në fund, e një rruge të gjatë me porta.
Pavarësisht se çfarë qëndron brenda banesës së saj të re, aktorja është e sigurt që do të vendosë sendet e saj. “Nëse nuk do të isha aktore, do të doja të isha arkitekte. Më pëlqen ky proces,” tha Aniston për AD gjatë një turneu të vitit 2018 në rezidencën elegante të Bel Air të ndërtuar në vitin 1965, të cilën ajo e bleu në 2012 dhe e ruan ende.
Winfrey ende zotëron një sërë pronash të tjera, duke përfshirë rezidencën e saj kryesore në një rezidencë masive 20,000 metra katrorë të vendosur në një pasuri prej 66 hektarësh të quajtur “Toka e Premtuar”, e vendosur gjithashtu në Montecito.
and then