Sekretari i Përgjithshëm i Partisë së Lirisë Tedi Blushi, ka zhvilluar sot një takim me Pandi Janin, përfaqësues i kësaj partie në Bashkinë Pustecit.
Me anë të një postimi në Facebook, Blushi u shpreh se minoriteti maqedonas është pasuri për Shqipërinë, ndërsa shtoi se në takim është biseduar për masat e nevojshme me qëllim ndaljen e shpopullimit të kësaj zone.
Postimi i plotë:
Minoriteti maqedonas është pasuri për Shqipërinë. Partia e Lirisë do t’i kushtojë gjithmonë një vëmendje të veçantë, sepse si të gjithë qytetarët e Republikës edhe anëtarët e këtij minoriteti vuajnë pasojat e rënda të keqqeverisjes së Edi Ramës. Me Pandi Janin, një prej të rinjve më energjikë të Partisë së Lirisë, për të ndarë ide të vyera për rikthimin e shkëlqimit dhe begatisë Bashkisë së Pustecit, për të ndalur shpopullimin e kësaj zone nga të rinjtë, për të ruajtur dhe promovuar bashkëjetesën, vlerat dhe traditat e mrekullueshme të minoritetit maqedonas.
Arena e Lajmit
and then