Lapo Elkan, pjesëtar i familjes Anjeli dhe një nga emrat e afërt me klubin e Juventusit, i është shtuar zërave që kanë komentuar dhe shprehur ngushëllimet për ndarjen nga jeta të Mino Raiolës. Menaxheri u konfirmua i vdekur sot nga familjarët e tij, të cilët bënë të ditur se ai nuk ia kishte dalë pas një beteje të gjatë.
Elkan ka vlerësuar pikërisht lidhjen e Raiolës me Juventusin, një klub me të cilin ai kishte bashkëpunuar vazhdimisht duke i ofruar thuajse gjithmonë para të tjerëve kampionët që merrte nën menaxhim.
“Ndjej keqardhje për ndarjen nga jeta të Mino Raiolës. Ai ishte një mik i Juventusit, një profesionist i madh, por sidomos një njeri i madh i cili e ka përballuar sëmundjen me dinjitet dhe kurajë. Një përqafim familjes së tij”, shkruante Elkan në një postim në rrjetet sociale, duke u bërë kështu i dyti pas Andrea Anjelit nga familja Anjeli që komentonte ndarjen nga jeta të menaxherit të njohur.
Sono dispiaciuto dalla scomparsa di Mino Raiola. È stato un amico della Juve, un grande professionista, ma sopratutto un grande uomo che ha affrontato la malattia con dignità e coraggio.
Un abbraccio alla sua famiglia 🤍
— Lapo Elkann (@lapoelkann_) April 30, 2022
Arena e Lajmit
and then