Kryeministri Edi Rama i është përgjigjur komenteve lidhur me akuzat e ngritura se po pengon SPAK për të mbrojtur vetën dhe njerëzit e tij nëpërmjet mesazheve kërcënuese.
Në një reagim në Twitter , Rama thotë se është për të qeshur, duke shtuar se për të SPAK mund të punojë pa asnjë problem edhe për 100 vite .
Ndërkohë thekson se nuk do të qëndrojë i heshtur pasi SPAK duhet të godasë gjithanshëmërisht dhe jo njëanshmërisht,.
Reagimi i kryeministri Edi Rama në Twitter:
Të qeshësh e të qash me lot! Paskam kërcënuar SPAKUN sipas nongratave që betoheshin se edhe Flota e Shtatë Amerikane po t’i drejtonte tytat nga Lalzi nuk do ta votonin Reformën në Drejtësi! Për mua e për #PS SPAKU rron e punon pa gajle 100 vjet dhe bujrum, derën tonë e ka hapur!
Por gojën nuk kemi për ta mbyllur, që SPAKU të mos godasë njëanshmërisht, po gjithanshmërisht! Roli i mumjes, përballë rreshtit të gjykatësve e të prokurorëve, që Vetingu i nxorri katran me bojë apo mbi dosjet e skandaleve legjendare të krimit shtetëror, nuk mund të tolerohet më!
Arena e Lajmit
and then