Rei Manaj nuk e ka ndërmend të ndalet këtë sezon. Sulmuesi shqiptar ka realizuar golin e 18-të sezonal me Sivasspor. Manaj ishte vendimtar për skuadrën e tij, teksa i dhuroi fitoren 1-0 në ndeshjen e kampionatit ndaj Konyaspor.
Në minutën e 86-të, 27-vjeçari me një goditje nga distanca, ia doli të mposhtë portierin kundërshtar. Ky gol vjen vetëm disa ditë pasi u nderua nga klubi me një çmim, pasi u shndërrua në lojtarin që ka shënuar më së shumti gola me fanellën e klubit turk brenda një sezoni.
Në ndeshjen e sotme, te Konyaspor luajti titulluar Sokol Cikalleshi, i cili nuk ia doli dot të lërë gjurmë. Shanset që Manaj të jetë pjesë e listës së Europianit janë rritur ndjeshëm, pas paraqitjeve të këtij sezoni.
🇹🇷 Goal: Rey Manaj | Sivasspor 1-0 Konyasporpic.twitter.com/vwgTtfdNyX
— FootColic ⚽️ (@FootColic) April 27, 2024
(J.S/)
and then