Tensionet në protestën para Kuvendit/ Shkon në 5 numri i protestuesve të shoqëruar

Ka shkuar në pesë numri i qytetarëve të shoqëruar nga Policia e Shtetit gjatë protestës së zhvilluar para Kuvendit të Shqipërisë.

Sipas informacioneve paraprake, personat janë shoqëruar në Komisariatin nr. 1 në Tiranë, pas tensioneve të regjistruara gjatë tubimit.

Ndërkohë, protesta vijon para Parlamentit, ku qytetarët kanë rrethuar godinën dhe kanë vijuar thirrjet kundër qeverisë, duke kërkuar dorëheqjen e kryeministrit Edi Rama.

Në terren vijojnë të jenë forca të shumta policie dhe efektivë të FNSH-së.