Ndërsa jetojmë në kohën ku inteligjenca artificiale është kryefjala e çdo bisede, Samsung po përgatitet të hedhë një hap monumental. Gjenerata e ardhshme e pajisjeve Galaxy nuk do të sjellë thjesht një mjet të zgjuar, por një asistent proaktiv që mendon për ju, i cili e mbyll të gjithë këtë gjenialitet brenda një mburoje të personalizuar dhe të pathyeshme sigurie. Ky është një dimension i ri ku liria absolute për të vepruar takon mbrojtjen më ekstreme, të zhvilluar me kujdes ndër vite.
Asistenti i vërtetë i jetës suaj
Harroni ditët kur duhej të lundronit nëpër menu të pafundme apo të kërkonit manualisht atë që ju duhet. Inteligjenca e re që po vjen është projektuar për të kuptuar kontekstin tuaj në kohë reale. Madje, veprimet me shumë hapa si rezervimi i një udhëtimi do të mund të bëhen thjesht duke i folur pajisjes natyrshëm, njësoj siç do të bisedonit me një mik. Gjithçka rrjedh pa asnjë sforcim, duke ju lënë të lirë të fokusoheni te gjërat që kanë vërtet rëndësi.
Pesë vite inovacion për një privatësi të personalizuar
Por çfarë kuptimi ka një inteligjencë kaq e thellë dhe personale, nëse krah jush në autobus apo në kafene mund të ulet dikush që lexon ekranin tuaj? Këtu ndodh magjia e vërtetë e gjeneratës së re. Ky nivel i ri privatësie nuk lindi brenda natës; ai është rezultat i më shumë se pesë viteve inxhinieri, testimi dhe përmirësimi të pandërprerë. Është studiuar me kujdes mënyra se si ne i përdorim telefonat tanë dhe çfarë konsiderojmë vërtet private. Rezultati është një mbrojtje fleksibile ku hardueri dhe softueri punojnë si një trup i vetëm.
Në fund të fundit, privatësia e vërtetë nuk mund të ekzistojë pa një siguri të fortë në themel. Ky inovacion i fundit mbështetet në më shumë se një dekadë mbrojtjeje shumështresore nga platforma e njohur e sigurisë së Samsung, e cila ka blinduar pajisjet nga niveli i çipit e deri te i gjithë ekosistemi. Gjenerata e re e çon këtë përkushtim në një nivel të paprecedentë, duke e sjellë mbrojtjen e të dhënave direkt në nivelin e pikselit. Bëhet fjalë për një privatësi që mund ta shihni me sytë tuaj dhe një siguri që mund ta ndjeni në çdo moment të ditës.
Eventi i vitit, me plot surpriza dhe dhurata të reja
Për të qenë në një hap me këtë botë dinamike të teknologjisë, Samsung ju fton të regjistroheni dhe të ndiqni eventin e shumëpritur Unpacked, ku do të zbulohet ky revolucion i inteligjencës dhe privatësisë. Të gjithë të interesuarit nga Shqipëria ftohen të regjistrohen në linkun samsung.com/unpacked përpara datës 25 shkurt 2026. Ata që regjistrohen dhe më pas blejnë cilëndo prej pajisjeve të reja Galaxy, do të marrin një dhuratë speciale: karikuesin magnetik me valë Samsung 25W. Për më tepër, klientët që porosisin paraprakisht telefonat e serisë së re do të përfitojnë automatikisht një rritje falas të hapësirës së ruajtjes. Kështu, nëse blini modelin me 256 GB, do të përmirësoheni automatikisht në 512 GB, falas.
Regjistrohuni tani për t’u siguruar që mjetet e së ardhmes të jenë tuajat, me përfitimet maksimale!
and then