Pirro Vengu u shkarkua sot nga detyra si Ministër i Mbrojtjes me një vendim të kryeministrit Edi Rama.
Gazetari Almer Toska kishte paralajmëruar shkarkimin e tij nga detyra në studion e News24, pasi kishte shpjeguar se Vengu është përfshirë në një skandal që lidhet me dhënien e fondeve publike për kompaninë ushtarake “KAYO”.
Në News24, ai ka zbuluar se Vengu dyshohet se i ka dhënë rreth 20 milionë euro një biznesmeni izraelit pa marrë më parë miratimin e AKSHE, Autoriteti i Kontrollit Shtetëror të Eksporteve.
Sipas Toskës, Vengu konsiderohet bashkëpunëtor i afërt i ministres Belinda Balluku dhe sipas tij Rama pritet ta shkarkojë.
“Rama do të bëjë ndryshime duke larguar dhe Piro Vengun është cështje më vete, është skandal i rëndë, i ka dhënë biznesmenit izraelit që ka përfituar 20 mln euro për çështjen e KAYO, ka marrë 20 mln euro pa marrë miratimin e AKSHE. Pa e patur këtë miratim, Vengu bashkëpunëtor i ngushtë i Ballukut, e njëjta linjë politike dhe bashkëpunimi i ka dhënë 20 mln euro. Përflitet për atë një biznesmen jo serioz dhe mashtrues”,- ka deklaruar Toska.
and then