I dorëzoi ndryshimet në qeveri, përfundon pas 40 minutash takimi Rama-Begaj në Pallatin e Brigadave

Ka përfunduar pas 40 minutash takimi mes Kryeministrit Edi Rama dhe Presidentit Bajram Begaj në Pallatin e Brigadave.
Kreu i qeverisë i ka dorëzuar Begajt, ndryshimet në qeveri të njoftuar pak ditë më parë.
Begaj ka në dispozicion shtatë ditë për dekretimin e ndryshimeve në kabinetin qeverisës, ndërsa pas kësaj ndodh votëbesimi në Kuvend.

Sa i përket betimit, ai me shumë mundësi mund të ndodhë në pallatin e Brigadave, duke pasur parasysh që Presidenca është në rikonstruksion.

Njoftimi:
Sot, Presidenti i Republikës, Sh. T. Z. Bajram Begaj, priti në takim Kryeministrin, Sh. T. Z. Edi Rama.
Kryeministri paraqiti në takim propozimet për ndryshimet në Kabinetin qeveritar.
Procedura kushtetuese parashikon 7 ditë afat për dekretimin e ministrave.

Ndryshimet në Qeveri:

Belinda Balluku largohet nga detyra dhe zëvendësohet nga Enea Karakaçi, i cili merr postin e Ministrit të Infrastrukturës dhe Energjitikës.

Albana Koçiu zëvendëson Belinda Ballukun në detyrën si zv/kryeministre.

Besfort Lamallari emërohet Ministër i Brendshëm, duke zëvendësuar Albana Koçiun.

Toni Gogu merr postin e Ministrit të Drejtësisë, duke zëvendësuar Besfort Lamallarin.

Ferit Hoxha emërohet Ministër i Jashtëm, ndërsa nga detyra largohet Elisa Spiropali.

Ermal Nufi merr detyrën e Ministrit të Mbrojtjes, duke zëvendësuar Pirro Vengun.

Eriona Ismaili emërohet Ministre për Marrëdhëniet me Parlamentin, duke zëvendësuar Toni Gogun.