Abissnet Superiore ka mbyllur javën e 28 me rezultate mjaft interesante, duke shënuar një luftë të ndezur të hapur për çdo objektiv të mundshëm në të dy anët e klasifikimit e konfirmuar progresin që kanë bërë disa ekipe, por edhe rënien e ndjeshme që kanë pësuar disa të tjera.
Në krahasim me një vit më parë, janë 4 skuadra të Superiores që kanë regjistruar më shumë pikë se në edicionin e kaluar në këtë moment të sezonit. Ai që spikat më shumë është padyshim Elbasani që ka 17 pikë më shumë se një vit më parë. E ndjek Teuta me 9 pikë më shumë, e më pas Vllaznia me Partizanin me nga 3 pikë.
Ndërkohë, sa u përket skuadrave që kanë humbur pikë në krahasim me sezonin e kaluar, në krye është Dinamo me 8 pikë më pak, e ndjekur nga Tirana me 5, Bylisi me 4 dhe Egnatia me 2.
Vlen të përmendet që Laçi dhe Skënderbeu të cilat ranë në Kategorinë e Parë, kishin përkatësisht 31 dhe 27 pikë në këtë moment të sezonit.
and then