Speci jalapeno u zbulua për herë të parë nga Aztekët, të cilët në vend që ta hanin, e thanin e më pas e tymosnin. Ky lloj speci përmban një përbërës të quajtur kapsaicin që kur konsumohet siç duhet, mund të jetë një aleat i fuqishëm për shumë çështje shëndetësore.
“Bright Side” zbulon përfitimet që do të keni nëse e përfshini këtë spec në dietën tuaj.
Studimet tregojnë se ju mund të rrisni aftësinë për të djegur dhjamin dhe për të ulur oreksin duke ngrënë speca jalapeno.
Bota ka përdorur erëza dhe barishte si një mjet për të ruajtur ushqimin që nga fillimi i kohës. Sidoqoftë, ajo që shumë njerëz nuk dinë është se studimet kanë zbuluar shumë veti antimikrobiale tek specat djegës.
Për shkak të kësaj, ekziston një larmi infeksionesh që mund të parandalohen nga specat jalapeno siç janë grykët, prishja bakteriale e dhëmbëve dhe infeksionet e sinusit.
Një nga mënyrat për të përfituar nga speci jalapeno është duke përdorur kapsaicinën e pranishme në të si një spraj hundësh.
Studimet kanë treguar se kur aplikoni këtë spraj në vrimat e hundës, efekti i tij kundër dhimbjeve të migrenës dhe të kokës është jashtëzakonisht i fuqishëm.
Është provuar shkencërisht se kapsaicin, është në gjendje të ulë nivelin e glukozës në gjak, duke rritur nivelin e insulinës. Për këtë arsye, speci lufton diabetin.
Studimet mbi kafshët tregojnë se ky përbërës mund të qetësojë enët e gjakut, të ulë presionin e gjakut dhe madje të ndihmojë të gjithë ata që vuajnë nga hipertensioni./Burimi:Panorama
and then