Tirana ka mësuar kundërshtarin e saj që do të përballet në turin e parë eliminator të Champions-it.

Kampionët e Shqipërisë kanë “peshkuar” Dudelanzhin, skuadër që militon në elitën e futbollit në Luksemburg.

Një short i favorshëm për bardheblutë duke parë emrat e mëdhenj si Ferencvarosh, Ludogorets apo edhe Maribori.

Skuadra e njohur luksemburgase është krijuar në vitin 1991 teksa numëron 16 kampionate të fituara, 8 Kupa të Luksemburgut dhe 2 Kupa të Ligës.

Dudelanzh është e njohur në arenën ndërkombëtare teksa vitet e fundit ka marrë pjesë edhe në grupet e Europa Ligës në sezonin 2018/2019 me Milanin, Olimpiakos dhe Betis në grupin F.

Gjithashtu ata janë përballur edhe me Dritën në turin e dytë të Europa Ligës.

Në sezonin pasardhës në Europa Ligë janë përballur ndaj Shkëndijës së Tetovës duke i eliminuar.

Sezonin që përfundoi, Dudelanzh e mbylli kampionatin si kampion i Luksemburgut duke grumbulluar 67 pikë, ku në 30 ndeshje të zhvilluara koleksionoi 21 fitore, 4 barazime dhe 5 humbje me një golavarazh 78/27.

– Arena e Lajmit

LEXO EDHE:

Shorti i Ligës së Kampioneve, skuadrat shqiptare me fat. Tirana eviton superfuqitë, buzëqeshin edhe Ballkani me Shkupin (VIDEO)