Zjarri i rënë në zonën mes territorit të fshatit Lekas dhe Voskopojës, në vendin e quajtur “Antenat”, në Njësinë Administrative Voskopojë të Bashkisë Korçë, është riaktivizuar si pasojë e erës së fortë.
Sipas njoftimit zyrtar, aktualisht në terren po punojnë forca të Shërbimit Pyjor dhe të Njësisë Administrative Voskopojë, të angazhuara për izolimin dhe neutralizimin e vatrave aktive të zjarrit.
Ndërkohë, janë organizuar dhe po drejtohen drejt zonës edhe forca të tjera mbështetëse, me qëllim përforcimin e operacionit dhe vendosjen sa më shpejt nën kontroll të situatës.
Autoritetet bëjnë me dije se monitorimi i zonës po vijon dhe se informacione të reja për ecurinë e ndërhyrjes do të publikohen në vijimësi.
and then