Shefi i organizimit në PD, Klevis Balliu, i ftuar në emisionin “Kjo Javë” të moderuar nga Nisida Tufa, në News24, u shpreh se pavarësisht se çfarë bëjnë organet kompetente, është detyrë e opozitës të denoncojë krimet elektorale dhe këtë do të vazhdojë ta bëjë.
Sipas Balliut, është detyrë e opozitës dhe e shoqërisë që të shkërmoqin sistemin e ngritur për vjedhjen e zgjedhjeve në Shqipëri.
Nisida Tufa: Një muaj pas 11 majit, Berisha përsërit se ishin farsë. Si e shihni këtë terren një muaj pas zgjedhjeve?
Klevis Balliu: Farsa elektorale është faktuar vetëm duke marrë provat e ditëve të fundit për opinionin publik në Shqipëri dhe për atë ndërkombëtar. Treni bullgar i kapur me video, me zë dhe figurë në Qarkun e Elbasanit vërteton një sistem të ngritur për vjedhjen e zgjedhjeve, çka e kthen këtë proces në një farsë. Është detyrë e opozitës dhe e jona si shoqëri që të shkërmoqin sistemin e ngritur për vjedhjen e zgjedhjeve.
Nisida Tufa: Ju si opozitë deklaruat se vota do të mbrohet. Po tani që zgjedhjet kanë përfunduar?
Klevis Balliu: Opozita nuk kanë asnjë fuqi të arrestojë asnjë njeri apo kriminel elektoral. Ajo i mbetet policisë, gjykatave dhe prokurorisë. Opozita ka për detyrë denoncimin dhe këtë e kemi bërë. Dhe kjo betejë që po bëjmë është pjesë e misionit për mbrojtjen e votës, për të mbajtur fjalën që u kemi dhënë shqiptarëve.
Nisida Tufa: Si e patë ju SPAK në këtë iniciativë?
Klevis Balliu: Nëse SPAK nuk do të ishte SKAP, trenin bullgar nuk duhej ta kapte opozita, sepse ne nuk ka byro hetimi, nuk është stërvitur nga FBI, nuk merr 10 mijë euro në muaj për hetuar krime elektorale. SPAK krijoi grupe speciale për zgjedhje, pse nuk e kapën këta trenin bullgar apo zyrat elektorale ilegale.
Nisida Tufa: Po ju i patë këto edhe përpara zgjedhjeve?
Klevis Balliu: Janë 19 deklarata nga PD. Çfarë që do bënte opozita, nuk e ndryshonte dot faktin që në Durrës vendosin Troplinët, në Elbasan vendosin Çelat, nuk është çështja e analizave politike, sepse nuk është kapur asnjë krim elektoral.
Nisida Tufa: Pra, sipas teje, rezultati i zgjedhjeve bie që pa nisur ato?
Klevis Balliu: Padiskutim, ne u nisëm për të fituar zgjedhjet, por në krahun tjetër ne thamë që këtu do të tentohet gjithçka, manipulim dhe vjedhje e votës. E kemi deklaruar që Sara Mila është kandidatja e Suel Çelës dhe ja që u vërtetua, pasi ajo është kandidatja më e votuar në Shqipëri, një njeri që nuk e njeh askush. Apo rasti i Arkend Ballës i mbështetur nga Troplinët, që mori 10 herë vota më shumë se katër vite më parë. Nuk e di çfarë rroge duhet të kesh për të pasur 2.6 milionë euro në llogari bankare siç deklaron.
()
and then