A ka krizë të pensioneve? Kreu i ISSH: Fondi është i qëndrueshëm, buxheti ynë, sa 27% e atij të shtetit

Drejtori i Përgjithshëm i Institutit të Sigurimeve Shoqërore (ISSH), Astrit Hado, i ftuar në studion e emisionit “Sintezë” në News24 ka folur në lidhje me skemën e pensioneve në vend.

Ai u shpreh se në shumë vende skemat e pensioneve hasin probleme për shkak të ndryshimeve demografike.

Megjithatë ai u shpreh se fondi i Sigurimeve Shoqërore në vend është i qëndrueshëm dhe garanton gjithë të drejtat e fituara dhe ato të premtuara.

Sipas tij buxheti i këtij institucioni është sa rreth 27% e buxhetit të shtetit dhe ka një impakt të madh në jetën e grupmoshës së tretë.

“Skemat e pensioneve hasin vështirësi kudo për shkak të faktorëve që ndikojnë, si ndryshimet demografike, lindshmëria, ndryshimet e kulturës, tregu i punës për brezin e ri, etj. Fondi i Sigurimeve Shoqërore në vend është i qëndrueshëm, garanton gjithë të drejtat e fituara dhe ato të premtuara, pra ato të individëve që sot janë kontribuues. Pensionet e skemave të pensioneve janë ndër elementet kryesorë të jetesës së moshës së tretë dhe është faktori kryesor i zbutjes së varfërisë te mosha e tretë. Ka një impakt të madh për moshën e tretë në jetën e tyre. Buxheti ynë është sa 26-27% e buxhetit të shtetit”, u shpreh ai.

Arena e Lajmit

Ju mund të regjistroheni në buletinin tonë të lajmeve plotësisht falas

Mos e humbisni mundësinë për t'u informuar për lajmet më të fundit dhe eksluzive, filloni tani abonimin tuaj falas me e-mail.

Welcome

Instalo aplikacionin tonë
×