Teksa vijonte protesta e opozitës në Tiranë, reagoi ministrja e Brendshme në detyrë, Albana Koçiu. Në një reagim në rrjetet sociale, Koçiu u shpreh se hedhja e molotovëve drejt godinës së Policisë së Shtetit nuk përbën akt proteste, por një provokim të hapur dhe një dëshirë të ethshme për përshkallëzim.
“Marshojnë si çlirimtarë në rrugët e kryeqytetit, ndërkohë që janë po ata vetë që shqiptarët i kanë lënë jashtë rrugës së politikës me votë”, shkruan ministrja, duke akuzuar liderin demokrat Sali Berisha se e ka kthyer PD-në në repart zjarrvënësish.
“Duke u fshehur pas bandës së molotovëve, ky Don Kishot që grindet me koshat e mbeturinave si me mullinjtë e erës, e ka kthyer partinë e parë pluraliste në një repart zjarrvënësish”, shton ajo.
Reagimi i Koçiut: Të shkosh me molotovë në duar drejt godinës së Policisë së Shtetit nuk është një akt proteste, por një provokim i hapur dhe një dëshirë e ethshme për përshkallëzim, duke tentuar të delegjitimohet forca e ligjit përballë presionit të rrugës.
Marshojnë si çlirimtarë në rrugët e kryeqytetit, ndërkohë që janë po ata vetë që shqiptarët i kanë lënë jashtë rrugës së politikës me votë.
Duke u fshehur pas bandës së molotovëve, ky Don Kishot që grindet me koshat e mbeturinave si me mullinjtë e erës, e ka kthyer partinë e parë pluraliste në një repart zjarrvënësish.
Ky zjarr nuk djeg dot asnjë reformë dhe as të ardhmen europiane të Shqipërisë, por vetëm mbetjet e fundit të një opozite që nuk di më as kush është, as ku po shkon dhe as pse po bërtet.
and then